Ko'pchilik Xitoy tilini o'rganishni boshlaganda birinchi: XITOY TILIDA ALIFBO bormi deb savol beradi?
Qisqa javob: yo'q, Xitoy tilida alifbo yo'q.
Xitoy tilida yozish uchun ierogliflar ishlatiladi. Bu belgilar 汉字 (hànzì) deb ataladi.
Xitoy yozuvi qanday ishlaydi?
Ko'pchilik tillarda so'zlar harflardan tuziladi. Masalan:
- Inglizcha: water
- O'zbekcha: suv
Bu so'zlar alifbodagi harflardan tuzilgan.
Xitoy tilida esa ko'pincha bitta belgi butun so'zni bildiradi.
Masalan:
- 我 (wǒ) — men
- 你 (nǐ) — sen / siz
- 水 (shuǐ) — suv
- 吃 (chī) — yemoq
Unda xitoy yozuvi qanday o'rganiladi?
Xitoy tilini o'rganishni osonlashtirish uchun pinyin (拼音) tizimi ishlatiladi.
Pinyin — bu xitoycha so'zlarning talaffuzini lotin harflari bilan yozish usuli.
Masalan:
- 你好 (nǐ hǎo) — salom
- 中国 (zhōng guó) — Xitoy
- 学生 (xuéshēng) — talaba
Pinyin yordamida siz:
- so'zlarni to'g'ri o'qishni
- talaffuzni
- yangi so'zlarni tezroq o'rganishni
o'rganasiz.
Ammo kundalik yozuvda xitoyliklar pinyin emas, ierogliflardan foydalanadi.
Xitoy tilida nechta ieroglif bor?
Xitoy tilida o'n minglab ierogliflar mavjud.
Ammo kundalik hayot uchun hammasini bilish shart emas.
Masalan:
- HSK 1 — 150 ta so'z
- HSK 2 — 300 ta so'z
- HSK 3 — 600 ta so'z
- HSK 4 — 1200 ta so'z
- HSK 6 — 5000 ta so'z
Oddiy matnlarni o'qish uchun odatda 3000–4000 ieroglif yetarli bo'ladi.